樂●活｜留家一樣歎到美食鍋物

成日留喺屋企食飯，當然要食啲好嘢氹吓自己喇！

掛住泰國美食，又唔想出去左撲右撲食材？除咗可以去水門雞飯分店以全日85折外賣自取外，仲可以選擇1人份量嘅泰式火鍋，或者這迎合家庭需求所推出大大份重量級盤裝食品。

新推嘅一人份手切吊龍拌泰式火鍋，用上等牛肉的吊龍部位，亦即肉眼扒外圍肉，非常鮮嫩柔滑，油香十足，肉味夠濃，用作打邊爐一流，只需$88，就可以來一趟味蕾泰國遊！想食多少少？仲可另外追加手切吊龍、鳳尾蝦、黑毛豬梅肉片、豬肉丸及牛丸。

至於大家庭就可以考慮水門雞飯招牌菜水門雞。到會盤以全隻雞上，加上送上整支水門雞飯醬。仲可以叫埋香口嘅胡椒單骨雞翼及惹味十足嘅沙嗲雞肉/ 豬肉串。食得肉多，想食菜可以叫埋馬拉盞炒西蘭花魷魚鬚。另外想補充澱粉質，泰式鳳尾蝦炒金邊粉夠鑊氣，當然唔少得來個泰國經典甜品椰汁芒果糯米飯，完全滿足對泰國的思念。不過要提提大家，重量級盤裝食品要於3天前預訂．只限分店自取，如需送貨，請先提供取貨時間及地點，餐廳將提供運費待客人確認。

 

另外，今晚（7日）10點，KKday推出限量搶美食，$475就可以訂購黑木亭居酒屋嘅足料虎蝦麵包蟹粥鍋（按此），虎蝦麵包蟹粥鍋係2至3人份量，材料有1斤虎蝦、1隻麵包蟹，仲有冬菇、紅蘿蔔、潢菜粒、薑及粥，提提大家外賣自取記得要害備註留言選擇於天后或尖沙咀分店自取。另設多款外賣菜式鍋物低至$559起，包括珍寶日韓海鮮鍋2-3人前、富士山A5宮崎和牛海鮮壽喜鍋2-3人前、青森縣蘋果配日式醬油原隻鮑魚雞3-4人。

作者：Laurie Wu（愛保健愛旅遊愛購物的熟女）
[email protected]