張敬軒：最緊要正桃花

張敬軒（軒仔）、堪輿學家麥玲玲及樂隊Nowhere Boys昨日在沙田馬場為《農曆新年賽馬日》擔任表演嘉賓。麥玲玲指屬猴的軒仔今年有桃花，有機會脫單，軒仔笑言最緊要正桃花，唔係爛桃花。

打頭陣的軒仔一連唱出多首歌，沿途獲得不少歌迷送上利是，他又指昨日收爐，也是開年。被問到收利是否收到手軟？軒仔笑言「多啲嚟密啲手」又開心，今次是他首次參與賀歲盃，認為是先拔頭籌開個好年，又承認唱錯歌詞，因為昨晚才收到改編版歌詞，並笑謂可能是收利是好開心沖昏頭腦。談到麥玲玲贈言指他屬猴有桃花，軒仔笑說：「真係？等我洗乾淨對手先！依家未感覺到桃花，最緊要正桃花，唔係爛桃花。」軒仔笑言今年「脫單」是真的，因為跟不同音樂人合作，當中有Tyson Yoshi及台灣天才音樂人派偉俊，又自爆錄歌搞到除夕，所以未收爐。
目標做馬主

提到今日是軒仔的44歲生日，被問到如何慶祝？他表示一向不會特別搞派對，最緊要父母身體健康，亦會跟其父母吃飯。又指完成今日工作後會有兩星期年假，未知會否去旅行，但師傅指他不要到東北方位，並笑謂香港深度遊也不錯。談到可有試過贏馬，軒仔笑言贏過四位數字，但通常自己送錢畀馬會。問到可想成為馬主，他表示自己也認識馬主，對方寧願跟家人吃少點，也要馬匹百年歸老，雖則自己尚未有經濟能力，但會努力向這個目標進發。

另外，提到為陳慧嫻演唱會擔任嘉賓，軒仔大讚對方好Fit，表演20分鐘跳舞環節自己也未必敢，令他心癢癢再想踏上紅館開騷，至於能否今年成功要視乎檔期。

麥玲玲表示，蛇年是一個蛻變年份，加上蛇在地上行走，容易出現地下情，所以娛樂圈多新聞，有些「大纜都扯唔埋」的人會被踢爆一起，而蛇、豬、猴、虎年犯太歲。至於屬猴的軒仔合太歲，偏向輕鬆舒服，有機會休息多少少。談到屬猴今年有望脫單，麥玲玲笑言今年是屬猴的桃花年，會有很多合適的人出現，所以軒仔可以慢慢揀。麥玲玲透露會為TVB拍節目，亦會打理個人網上頻道與粉絲多互動。談到可要催吉避凶？她笑指自己屬馬會蛇纏馬腳，需要多走動。當笑指可有桃花運時，她笑說：「我都想有桃花，有爛桃花都偷笑。」