朱敏瀚想同陳曉華做情侶檔

緋聞情侶朱敏瀚與陳曉華，近日被傳因要保事業而遭TVB棒打鴛鴦，而陳曉華更已搬離兩人的愛巢，朱仔昨日為新劇《奔跑吧！勇敢的女人們》宣傳，期間為傳聞解畫，表示多謝大家關心，更自稱一直跟媽媽同住，澄清沒和陳曉華同居。問到公司是否想他們低調處理感情事？朱仔說：「公司冇任何人同我講過任何嘢，但我相信每個藝人都想專注喺自己工作上，我拍咗嘅劇嚟緊都會準備出街，下星期都會去馬拉同觀眾真正見面。」

至於和陳曉華發展到甚麼階段？朱仔希望可給予兩人一起工作的機會：「大家畀工作我哋，咁就可以俾大家同場一齊問，我希望大家都係做嘢為先，唔介意當CP情侶檔一齊出席活動。」