軟硬搵場開騷唔食炒價

林海峰與葛民輝（阿葛）昨日出席連鎖快餐店舉辦的大型生日發布會，適逢是阿葛58歲的生日，他笑指現場似自己開生日會。談到「軟硬」是否打算在2025年開騷，林海峰指「場紙」最緊要：「希望下年有機會攞到『場紙』，羽毛球場嗰啲都可以玩吓嘅，足球場我知道難啲Book。」提到啟德有新場，他搞笑謂「要食炒（價）」：「我哋唔鼓勵做呢啲嘢，我哋正途，總之我哋唔理邊度，有場紙就會去。」
提到1月1日舉行的 《2024年度叱咤樂壇流行榜頒獎典禮》，林海峰笑指自己是男員工沒有料可以爆，當日做完就會走，問到時會否再整蠱MIRROR？他說：「從來都冇整蠱，氣氛啫！等大家開心吓、紓緩吓緊張嘅時候，冇就真係整蠱！」