Ian靠甜品搞掂小朋友

盧瀚霆（Anson Lo）、陳卓賢（Ian）、姜濤和柳應廷（Jer）齊齊以廚藝挑戰小朋友的味蕾。姜濤的貼心菜式和互動，贏得小朋友的芳心；而Ian的甜點除了令小朋友甜入心外，更獲小朋友餵食，場面十分有愛。
MIRROR成員Ian、Anson Lo、姜濤、Jer亮相ViuTV節目《MIRROR Chef》，在「廚神」和「地獄廚神」的封號之間決一勝負！今晚一集四子將為兩位小朋友薛然熹和霍曉澄度身訂造飯團，勢要奪取他們的歡心。得知霍曉澄生日後，姜濤特別做了一個飯團版「生日蛋糕」，並大唱生日歌，𠱁得小妹妹非常開心！面對着同樣為食的薛然熹，姜濤則以炸雞誘惑，成功令對方主動上前試食。
AL健康菜式遭拒
Jer的「怪獸大戰」就吸引到薛然熹舉手主動試食，Jer不禁大讚他有品味。另外，一心想改變小朋友偏食習慣的Anson Lo則炮製了「以實力取勝」的飯卷配搭雞胸，可惜慘遭最討厭食雞胸肉的霍曉澄堅決拒絕。最後霍曉澄表示最喜歡姜濤的飯團料理，而薛然熹則最喜歡Jer的料理，笑言會俾200萬分，在旁的姜濤隨即笑言：「1000萬滿分，仲有800萬分呢？」他即表示800萬分會全給姜濤，令姜濤非常開心。
之後，Ian炮製專給小朋友吃的窩夫，大受歡迎，令小朋友吃不停，更眼仔碌碌地望住Ian、暗示想再吃多份，可愛的模樣令Ian冧爆甜笑。而薛然熹亦十分貼心地反過來餵Ian食窩夫，場面非常有愛。