林德信爆爸爸阿Lam愛湊孫

林德信（Alex）今年母親節宣布已榮升人父，爸爸林子祥（阿Lam）為孫女改名林明，轉眼間B女已9個多月大。最近Alex出席酒吧活動時接受《星島頭條》獨家訪問，表示正學習在工作和家庭間取得平衡，坦言做爸爸後時間表與單身時期大不同，以前夜晚做音樂，現在晚上6點後要湊B。
至於家人有否幫手湊B？他笑言：「當然有，我爹哋同埋莎莉（葉蒨文）都好鍾意baby sit（照顧孩子），每次佢幫我哋baby sit都會照顧一日，嗰日我哋兩公婆就可以做其他嘢！」Alex直言自從有小朋友後少了二人世界，簡單食飯飲嘢都比從前困難，所以藉這晚活動放鬆一下。