Edan撐明禎：無人想缺席自己首映

男團MIRROR成員Edan的緋聞女友林明禎近日因臨時失場電影首映禮而被指「大話禎」，Edan昨日在活動上力撐明禎，指對方很努力和認真對待工作。

男團MIRROR 12子昨日出席於觀塘apm舉行的ViuTV新節目《MIRROR Chef》記者會，吸引大批粉絲逼爆商場。12子在節目上化身成廚師比拼廚藝，盧瀚霆（Anson Lo，AL）表示自己最撚手煮西蘭花炒雞柳，姜濤自爆煮麵都試過煮燶麵，但也覺得好味。邱士縉（Stanley）指隊員下廚也是半斤八両。談到以食物形容MIRROR，Lokman笑言滿漢全席，各有不同味道。談到那位成員是「地獄廚神」，江𤒹生（AK）即將視線望住AL，AL自認是「地獄廚神」，並謂自己下廚沒有人欣賞，但自覺好味就可以，亦未試過吃親手下廚食物搞到肚痛，煮得好安全。AK表示最難忘例如斬雞體驗，有份斬雞的陳瑞輝（Frankie）笑言不驚，給自己滿分。AK與Lokman讚Ian是烹飪天才，Ian表示也喜歡洗碗減壓。
AK難忘斬雞體驗
對於緋聞女友林明禎被指「大話禎」，Edan表示這件事不方便評論太多，沒有人希望缺席自己的首映禮，對方亦解釋好清楚，大家一齊支持香港電影。提到梁思浩指原本邀請林明禎上節目，但電影公司指她一直未畀期，問到可會教林明禎處理危機？他說：「實質詳情唔清楚，畀唔到評論。（彭發似乎好嬲，會否幫手急救？）我無急救專業，相信同林明禎合作過都知佢工作態度，好努力同認真對待工作。（有無聯絡林明禎？）私人嘢唔回應，多謝大家
關心。」
另外，Lokman之前到場支持爸爸參加跆拳道賽事，雖然爸爸經驗十足，但也有感到緊張，最終未能入決賽。提到姜濤早前到澳門參與NBA籃球名人賽事，他表示感覺很夢幻，也是一個夢想，相信每位打籃球的人也想跟NBA球員打波，希望下次可跟MIRROR成員一齊打。