望多表演吸引遊客 城城講明想在啟德開騷

郭富城昨日以榮譽大使身份，到西九出席香港中樂團主辦的鼓樂活動，他在開幕儀式時要敲擊3.47米高的蘭州太平鼓，希望開心的能量像擊鼓的力量和精神般、傳遞正能量，為香港加油。城城表示同場的政務司司長陳國基都問他是否會再在香港開騷：「我話我啱啱開完演唱會，如果你想、我出年再做，司長都好樂意我哋做多啲表演吸引更加多遊客，希望喺娛樂事業上幫香港做啲嘢。」
至於是否希望在啟德開騷？城城表示想：「司長都話啟德有新場館，希望我可以去表演，我梗係好榮幸，話如果有咩需要會盡量配合，場館做到我梗係去做，同埋我喺香港長大，都希望喺一個咁新咁靚嘅場館為大家表演。（要諗新嘢？）一直都在諗！」
此外，城城大讚電影《破．地獄》有扎實的劇本，也希望以這類劇本圓自己的導演夢。