華仔神秘現身謝票 阿Dee見偶像超緊張

全城話題港產災難電影《焚城》票房截至本月10日已衝破2千萬，劉德華前日神秘現身戲院謝票，一同參演的何啟華（阿Dee）終於與偶像「華Dee」公開同框，大感驚喜，劉德華即場答應忠粉阿Dee，本周三（13日）再次現身一齊謝票！
剛完成海外巡唱的華仔當日驚喜現身，跟《焚城》團隊合體謝票，電影公司不洩露風聲，出席的演員包括阿Dee、梁仲恆、王敏德、周文健、林家熙、黃愷傑等，以及觀眾均不知情。直至穿上「焚城」T恤的華仔在觀眾席舉手發問，眾人才發現他，全場觀眾隨即尖叫！華仔感謝觀眾支持香港電影和一班新演員，並即場讚賞片中新演員：「知道你哋嘅努力，非常好！你係我哋嘅未來！」
阿Dee：跟偶像合作很夢幻
身為華仔忠粉的阿Dee早前發社交網文，坦言跟兒時偶像合作是很夢幻的事，前日更跟偶像合體謝票，驚喜萬分說：「第一日開工劉生已經嚟探班，直至我殺青嗰日，佢仲特登嚟送花farewell，自己都好感動。其實我到而家見到劉生都好緊張，大家應該睇得出我有啲心慌意亂…我唔知自己講啲乜，好開心、好夢幻。我感受到前輩們好用心去做好香港電影，同埋知道想搵機會提攜我哋，俾好多機會我哋，好多謝劉生，希望我哋可以繼續努力，唔會令你失望。」
阿Dee在謝票完結前，突然舉手問偶像，會否再有機會跟他再一齊謝票？華仔二話不說答應：「你安排，我聽！」華仔的秒回，令阿Dee再次感到驚喜，且約定偶像於本周三（13日）的謝票場見。