重提內地巡唱台上跣倒事件 阿B腰傷無事：仲用得

「徐克：天馬行空的先驅開幕 暨《上海之夜2024》4K修復版香港首映於前晚舉行，除了有導演徐克、製片人施南生及《上海之夜》演員鍾鎮濤（阿B）、張艾嘉和葉蒨文出席外，圈中好友張婉婷、許鞍華、林子祥、邱淑貞、劉天蘭、爾冬陞、余安安等現身支持。

施南生表示要多謝阿B，因為對方為該片配音而學習幾日上海話，學習後叻到要徐克改對白，又笑言有一位到場朋友生日，這日子亦有點感觸，加上徐克和吳思遠一起吃飯，大家談及理想，原來他們的理想不是為自己賺錢，亦不是為出名，反而是想為香港電影界做點事，令她想起1984年3月23日一齊註冊一間公司做工作室，當時也想幫電影界做點事，想不到這樣就四十年。她說：「我哋仲企喺度拍緊電影，所以我祝願大家每一位都有夢想。」施南生笑言有重要官方宣布，會好像以前一樣，睇完午夜場仲有消夜食。徐克指希望香港電影工業及香港一切都會好，還會越來越好。
爾冬陞避談杜琪峯言論
鍾鎮濤指《上海之夜》是他多部演出作品中最喜歡之一，雖然當年有很多電影演出，但全部推掉也要演出徐克執導的電影，對方要求高腦筋又轉得快，就算今次自己為該片配音，也覺得節奏明快，不像四十年前的作品。談到早前溫拿樂隊在內地巡唱，他跟陳友及阿強相繼在台上跣倒。阿B說：「睇返條片出錯係換咗地板，之前噴咗乾冰就好油，換咗靚地板就好跣，之前阿倫（譚詠麟）都開咪話小心啲好跣呀！但我喺嗰度要教人跳十字步就跣低咗，阿強又跣埋嚟！佢一個剷兩個，紅牌出場。」阿B表示事後有睇醫生，最後無事。問到傷及那個部位？他笑說：「敏感部位，係腰呀！不過無事，仲用得。」
至於提到導演杜琪峯近日接受訪問時表示「我和香港失去靈魂」，爾冬陞聞言避談，笑說：「你想我搞不成《金像獎》嗎？」隨即離開。