苗僑偉感恩遇「神仙」發哥打救

苗僑偉（三哥）前晚參與《獎門人台慶感謝祭》錄影，對於同場的林夏薇表示想兩人合作演情人，三哥聞言即表示：「希望，期待，有機會，來日方長。（佢話想轉隊同你玩！）做二五仔？」對於早前三哥和袁偉豪敍舊後被網民指他Fit過對方，三哥就笑言袁偉豪年輕過自己很多，但慶幸4年前開始獲發哥周潤發教跑步，學會了這個養生方法：「一星期跑4、5日，唔開工就去跑，朝早跑當做晨運，每次跑45分鐘，三嫂都有跑，跑到佢啲腰骨痛都好返，𠵱家好似跑上癮咁，最enjoy跑完去食早餐，食極都唔肥，好彩撞到發哥呢個神仙打救我，如果冇運動就好大件事，感恩遇到神仙！」
被問到明星足球隊分家，自稱已經掛靴的三哥笑指不願置評，但就自爆一落場就「收唔到掣」，早前練波時更拉爆小腿肌肉，搞到回家俾老婆詐型，休養幾星期才康復，現在踢波可免則免。