陳友台上跣低傷屁股

陳友、黎瑞恩（小恩子）、張武孝（大AL）前晚為下月公演的音樂劇《娛樂圈夫人》進行綵排，不過陳友同大AL發台瘟忘記歌詞，搞到小恩子笑言驚被傳染。

談到日前溫拿樂隊在內地巡唱，陳友、阿B與阿強連續在台上跣倒。陳友說：「嗰時台上放煙，搞到地下好跣，阿B跌倒，我同阿強去扶佢，已經扶到9成，但阿強好似朗拿度咁剷埋嚟！搞到我跣低，其實最傷係我，因為我扶住阿B，我護住佢，佢有180磅。」陳友又大讚小恩子很有義氣第一時間勸告他睇醫生，不過醫生指沒大礙，但發現臀部深層位置Chok親，經過針灸同按摩已無事。他說：「整親時最擔心影響《娛樂圈夫人》進度。」