胡定欣直言 同鄧萃雯比較 有壓力

胡定欣在新劇《巾幗梟雄之懸崖》中飾演「七爺」，被網民拿來與前作女主角鄧萃雯比較，定欣表示是無可厚非，因前作已成經典；黎耀祥亦笑言當年都有人將他和歐陽震華比較。
黎耀祥、胡定欣、蕭正楠、羅天宇、陳曉華等昨日一同出席台慶劇《巾幗梟雄之懸崖》宣傳活動，吸引過百人圍觀，祥仔和定欣更首次公開合唱劇中插曲《紅蝴蝶》，兩人對於合唱自我感覺良好，希望日後能一起登台。提到觀眾對劇集的評價，祥仔自認很少上網，大部分都是聽朋友的意見：「有啲人會有《巾幗》情意結，成日都講以前點樣，但我成日都講每個人都唔一樣，亦好開心有啲觀眾會重新分析，都收到正面評價，話今次啲角色更加有血有肉。」定欣就坦言收到的評價較複雜，亦有好多不同聲音，有觀眾將她和鄧萃雯去比較，定欣直言最初都有壓力，但亦是很好的體驗，又指劇集播出時其實已預知會有甚麼評論，不想被評價影響。問到和鄧萃雯比較會否覺得不公平？胡定欣說：「無可厚非，因為《巾幗》係大家心目中嘅經典，但唔會再諗去比較，因為我只要考慮如何做好『七爺』這角色。」笑謂劇集播出後，不少觀眾都會叫她「七爺」。至於祥仔就指觀眾有比較是在所難免，當年拍《法證先鋒III》時，都有人將他和歐陽震華做比較。
陳曉華船P要食暈浪丸
同場的陳曉華跟羅天宇在活動上不時邊傾邊笑，曉華指獲戴耀明狂讚，被𠱁得好開心，更叫緋聞男友羅天宇學習對方，豈料羅天宇卻說：「一向都有很多人𠱁曉華，唔使我，而且唔知點解，佢最近非常之開心、好滋潤、風采滿面！」曉華早前出席陳瀅的生日船河派對，羅天宇及與她「了解中」的朱敏瀚均有出現，曉華就笑言見唔到羅天宇，又指自己不懂游泳、怕水及會暈船浪，所以上船時都有食暈浪丸，不過食完之後好眼瞓，問男友有否照顧她？曉華即扯開話題，自言是獨立女性、要靠自己。