Mikiki舉辦記者會造勢 CRAVITY預習廣東話冧港迷

韓國9人男團CRAVITY昨日起一連兩日在香港舉行粉絲見面會，組合前日率先現身新蒲崗Mikiki商場，出席Mikiki X CRAVITY FAN-CON <BEYOND YOUR MEMORIES> IN HONG KONG記者會造勢，吸引大批粉絲到場支持。9子率先用廣東話「大家好，我哋係CRAVITY」跟港迷打招呼，隨後又大晒學過的「好靚女」、「好掛念可愛嘅你哋」、「要健健康康」等廣東話，做足準備冧粉絲。

CRAVITY今次是二度襲港開騷，雖然沒有透露港騷會有甚麼驚喜，但有小唱歌曲《Love or Die》，引起粉絲尖叫聲。組合表示去年訪港時睇過夜景、吃過蛋撻、點心及叉燒飯，印象深刻所以想再睇、再食，人氣成員刑準就表示想去迪士尼。
順道拍比賽節目

組合除了來港開騷，更有拍攝比賽節目《Road to Kingdom : Ace of Ace》，被問到如何分配時間去練習、休息及解壓，組合就賣口乖稱因為有粉絲的愛，就不會覺得有壓力，又承認會再來港見粉絲。影大合照前，粉絲全場大合唱韓文版生日歌，為本月16日23歲生日的成員宇璸補祝生日，令宇璸大呼驚喜，最後各成員大派飛吻及心心，為記者會畫上句點。