蕭正楠感謝黃翠如勸停工

現年47歲的蕭正楠，剛完成新劇拍攝，近日又馬不停蹄為即將在10月底與好友曹永廉一起舉行的佛山演唱會作綵排，他指自己現時工作和休息會取得平衡，不會過度搏命，更自爆因數年前曾「生蛇」，需要停工休養，與後遺症搏鬥一段長時間，幸好當時獲老婆黃翠如貼身照顧。

2017年蕭正楠拍古裝劇《翻生武林》時，發覺背部出現一點點紅疹，初時以為只是被山洞內的蛇蟲鼠蟻咬到，沒有理會，結果兩日後發現背部繼續有疼痛感覺，蕭正楠以為是拍武打戲所造成。因為要赤裸上半身，被同事發覺紅疹橫向生長，並開始布滿背部，最後求醫證實生蛇。
體力透支誘發病毒
蕭正楠：「自己當年先係40出頭，並不屬於『生蛇』高危一族，第一時間都唔知點算，拍呢部劇集體力透支大，每一日拍攝都熱到全身濕透，每日得一、兩個鐘頭瞓覺，完全唔夠時間休息，我相信係因為咁而誘發呢個病！」生蛇嚴重到發燒，紅疹位置仍有電擊的疼痛，感覺像骨痛一樣，醫生勒令停工，蕭正楠：「以前病驚影響拍攝進度都冇試過請假，但呢次真係無奈要向劇組請假，其實當時自己想頂硬上，好彩當時翠如堅持要我請假唔畀我拍劇，一定要要我去睇醫生停工休息，其實都幾感動，平時拍完戲通常都係我返去照顧佢，嗰陣會覺得原來佢都會照顧返我，當時佢好貼心煮好多清淡嘅嘢畀我食，又會幫我搽背脊，如果唔係再嚴重啲會一世受『生蛇』所累。」
打「蛇針」保護自己
「生蛇」後，蕭正楠背部的疤痕足足一年都不消退，擔心影響形象。他坦言幸好沒有生上面，否則情況不堪設想。蕭正楠以過來人的身份，呼籲大家及早接種「蛇針」：「我嘅家庭醫生都建議我打蛇針，會對我有一種保護，醫生亦都有提議翠如打，所以我哋兩個都會考慮。」