陳家樂 衛詩雅獲楊受成點名上樓

英皇國際東半山全新豪宅項目One Jardine's Lookout鐵定本周六（28日）開賣，繼樂壇天后容祖兒日前由老闆英皇集團主席楊受成博士陪同率先睇樓後，多位英皇藝人衛詩雅（Michelle）、陳家樂等近日亦自組「明升睇樓團」，浩浩蕩蕩睇樓，齊撐公司新盤。

一眾英皇藝人包括衛詩雅（Michelle）、陳家樂、海兒、鄧小巧、艾妮、伍詠薇、楊天宇、洪助昇、阮雅、黎峻、劉若寶、朱天、郭思、Jonathan @SULIS及Logout@SULIS，組成「明升睇樓團」，在英皇娛樂CEO許佩斯（Shirley）帶領下齊撐新樓盤，老闆楊受成博士親自接待，楊博士更點名笑指家樂和Michelle即刻入票！
家樂Michelle互相力sell
去年擔任公司樓盤「澄天」代言人的Michelle新婚將至，她笑言夢想做少奶奶，住東半山就可以經常High Tea及shopping；家樂也大爆Michelle想於鰂魚涌置業，「你咁鍾意港島樓，不如你再下一城買One Jardine's Lookout做投資收租啦！」
今次Michelle並非新樓盤代言人，但仍貫徹「力sell」精神，狂向剛為人父的家樂推銷：「BB大得好快㗎！你初為人父，咁上下時間要開始留意校網㗎啦！」家樂坦言有很多親戚都叫他要睇定學校，他深感真是一門學問，「我不嬲都係緊張大師，公司一有新樓盤，我都特意去做research了解呢個地區。同事介紹東半山出名多小學、中學名校，都真係幾吸引。」
首次以英皇藝人身份睇公司樓盤的海兒表示，好開心大家一齊組一個有氣氛的睇樓團，大讚同事之間好有愛，還有老闆帶路，她不忘賣口乖，「當我聽到可以一齊嚟支持公司樓盤，我都舉手話要嚟，而且我仲未喺香港置業，不嬲都知道呢個係傳統豪宅區，睇返呎價好吸引，所以我真係想了解多啲呢個項目。」