周慧敏忍淚拋震撼彈 最後一次開大型騷

周慧敏《地老天荒愛一場世界巡迴演唱會》前晚於澳門倫敦人揭幕，當晚周慧敏殺歌迷一個措手不及，她說︰「今次巡演同自己講，搵最純綷心表演，為愛我的人唱歌，人生去到唔同階段，追求需要都係會有好大改變……今次應該係我最後一次個人大型演唱會啦！」有歌迷聞言即爆喊，不少人大叫「唔好呀！」台上的周慧敏亦強忍淚水，續說：「因為我覺得時候差不多啦，要專注自己照顧自己身體，照顧我家庭，貓仔都唔細啦……我想多啲時間陪貓仔，同先生希望有更多共處時間，你地應該理解，係咪？」不過她亦安慰歌迷，自己不會不工作，只是想有多些時間調節自己。