Edan 10月再出Solo單曲 Jace帶病拍MV邊拍邊嘔

呂爵安（Edan）與陳凱詠（Jace）首度合唱情歌《漸漸我們》，二人昨日一起到商台接受《叱咤樂壇》訪問，近200粉絲無懼34度高溫守候電台外，場面墟冚。二人落車後也從後門走去正門與粉絲揮手、派心，期間Edan突然轉身整理褲頭，粉絲以為他未拉褲鏈，原來只是未扣好皮帶，相當搞笑。
訪問中，Jace自爆拍MV時自己因腸胃炎而嘔，Edan笑言難怪拍攝時聞到味。問到MIRROR小組進度如何，Edan透露自己一組已七七八八，其他組別也如火如荼，會先出團歌，今年目標在10月出多一首Solo歌，並指年尾有驚喜。
二人完成所有訪問後離開商台時走向粉絲揮揮手，但未簽名和收禮物。記者問Edan是否忘了扣皮帶，他笑謂：「食完嘢之後緊得滯鬆開咗，落車唔記得整返！」Jace笑指他會帶出潮流。