餵MV男主角食珍寶珠 鍾柔美：有少少怕醜

鍾柔美（Yumi）最近推出跳唱新歌《Crack》，她透露歌曲中有兩大意思是Break與Pick，以打破自己及拾回初心去做自己喜歡的事。很開心今次可以跟音樂監製Edward Chan合作，更大讚對方以往的作品好聽又易上口，獲對方擔任歌曲監製，很感謝公司安排，「之前都有同公司講想往後嘅歌路係點，我就想畀Cool啲，無咁少女的一面畀大家睇到，就不如行型格路線，所以揀咗呢首歌去打破自己。」
第1次親密互動

Yumi表示歌曲《Breakin'my heart》與新歌《Crack》是同一位排舞老師，對方每次排舞也會設計招牌動作，今次則主要有手指的動作，相當有標誌性，並謂MV中的她，一改形象，既戴頭巾又戴牛仔帽，當中跳舞有很多剪影部份，所以跳舞動作要拉長及優美。談到MV中與男主角有親密互動，如「壁咚」及餵食珍寶珠戲份，Yumi笑言是第一次，有少少怕醜，不過導演提議她不如主動跟男主角傾偈，「初時傾偈有少少尷尬，之後都ok嘅！大家年紀差不多，我啱啱考完DSE，佢就會下年考，好開心可以分享我嘅經驗畀佢。」