張敬軒感謝Sammi提攜

鄭秀文（Sammi）前晚在紅館舉行第3場《You & Mi鄭秀文世界巡迴演唱會》，當晚Sammi請來張敬軒擔任嘉賓 ，她介紹軒仔出場時笑說：「我叫佢『阿仔』，但而家啲人叫佢『阿公』。」然後軒仔從升降台出場時，全場歡呼，合唱《笑忘書》後，軒仔輕吻Sammi手背，觀眾尖叫。
Sammi對軒仔說：「好多年前你做過我演唱會嘉賓。（係呀！）咁你嗰陣時叫做軒仔（家都係㗎！）家就叫做軒公，即係升咗呢，仲要係幾何級咁升添！」軒仔說：「我唔知呢個名邊度嚟？起碼要去到阿公嘅年紀先啦！」Sammi揚言之前兩場嘉賓都是比較新一代的歌手，軒仔田細細聲說：「其實我讀緊書嗰陣都有睇《大頭綠衣鬥殭屍》，家我開騷，有時啲後輩嚟到，例如噚晚嗰個後輩歌手（林家謙），佢話9歲聽我首《酷愛》！今晚輪到我，山水有相逢。」全場爆笑。
寄語軒仔要帶新人
軒仔說：「我要好多謝Sammi，佢係我恩人。其實唔多歌手會帶我呢啲新人出埠表演，但我好開心，當年我仲係新人嘅時候，Sammi帶我去到馬來西亞做佢演唱會表演嘉賓，我好多謝佢！」Sammi說：「其實一代一代咁樣帶出嚟，你家都係大人，要帶新人出嚟！」然後軒仔唱《隱形遊樂場》，觀眾聽出耳油。
回看片段感觸落淚
前晚的Sammi特別感性，當她唱出過去10次提名「金像獎」最佳女主角獎項的電影歌曲時，看見電影片段和全場觀眾大合唱，她更感觸落淚。到演唱會尾聲，Sammi唱出舊作《記認》，並走近觀眾席，期間她看到大銀幕的自己兩臂結實三頭肌時，不禁大叫：「嘩，OMG，好有型呀！」