Anson Lo含淚睇家書 向神徒真情告白

 昨日是MIRROR成員盧瀚霆（教主 Anson Lo）的29歲生日，一眾神徒（粉絲暱稱）為他準備海陸空生日應援，包括《Anson Lo & Sontos - SoaR Pop UpStore》、尖沙咀碼頭的巨型LED大電視、連續第三年的免費渡輪服務外，晚上在尖沙咀西九文化區上空更會上演壓軸慶祝活動－《Anson Lo &Sontos - SoaR 無人機匯演》。
一向愛錫神徒的Anson Lo亦特別抽時間出席「LET'S SOAR LET'S PARTY」生日會，與2,000位神徒一起過生日。一眾神徒身穿粉紅色會服到場，現場也布置了很多粉色系心心氣球，而神徒帶來的生日禮物也放滿長枱，未入場前，大家紛紛在教主巨型布景板前打卡。Anson Lo身穿粉紅色衫襯白褲現身生日會，活動上播出來自世界各地包括加拿大、澳洲、台灣、馬來西亞、新加坡、英國等神徒的應援短片，更播出Anson Lo父母、家姐寫給他的家書，當中家姐分享兩人小時候在家中着內衣跳唱Twins的歌，以及兩人玩角色扮演等趣事，又叮囑教主起身要飲水，食多點菜；爸爸都表示以他為榮，媽媽就叮囑他「出淤泥而不染，濯清漣而不妖」。
Anson Lo第一次睇家書時都感動到又喊又笑，而第二次睇就表示比第一次更震撼，因為可以思考信中內容，又透露自己為何如此感動：「因為成件事好有愛，家姐係一個內斂嘅人，佢好少咁講呢啲事，我睇完諗翻起以前細個嘅時候，同佢打打鬧鬧嘅回憶，我記得家姐細個好怕鬼，要捉埋我去壯膽。早排同家人食飯都交代健康，家姐佢喊咗成晚但又唔知可以做咩，真係好錫我。」他亦向神徒表達心底話，多謝大家嘅支持：「因為我全靠你地嘅支持，先捱到今日！即使出面好多人誤解我，你地嘅留言成為我嘅鼓勵。」
自認更加沉穩成熟
Anson Lo又即場與全場神徒大合唱《不可愛教主》，一班神徒更大唱生日歌，而Anson Lo看到「My Life」翅膀造型的三層生日蛋糕，都大感好奇，未切蛋糕已表示希望將翅膀帶返屋企，非常搞笑。
生日會尾聲，Anson Lo逐一向神徒派「手幅」，歌迷則近距離向偶像送上生日祝福。活動完結後Anson Lo接受訪問，他表示見到家人真情流露好感動，覺得他們好大勇氣寫這封家書：「知道佢地每日都好擔心我、Care我，所以好感動。今年生日願望係想神徒同家人都身體健康，因為大個咗知道健康嘅重要。今晚會同家人過，一齊砌蛋糕。即將由2字轉3字，覺得唔會太大分別，隨時間過去會成熟啲，神徒都話冇咗以前嘅嘻嘻哈哈，可能係人大咗會沉穩咗、成熟咗。」