向來沒關注吳家忻 游學修：冇唔啱

游學修、許賢、蘇致豪昨日出席電影《公開試當真》的慈善首映禮，歌手張紋嘉與男友、藝人寶珮如等到場支持。
談到「試當真」社交網取消關注吳家忻（kayan9896），「試當真」老闆游學修表示，自己社交網只關注幾個人，向來沒關注吳家忻。談到2人的關係，他說：「冇唔啱。」許賢則說：「吳家忻有佢想發展嘅音樂事業，大家分道揚鑣，所以之前『試當真』冇follow佢。但我哋關係ok，見面會打招呼。」至於Tyson Yoshi不欲提及吳家忻，許賢笑說：「佢哋未必ok，可能有啲鬧交。我哋三個（與游學修和蘇致豪）都會鬧交，關係修補建立再修補，我諗佢哋喺呢個階段。」