志偉 構思為LOONG 9組香港隊

TVB總經理（節目內容營運）曾志偉、高層樂易玲、丁子朗及朱敏瀚等10名男藝人，昨日在電視城出席《2024香港小姐競選》全球招募記者會。曾志偉受訪時表示因今年可能會復辦「香港先生」，所以刻意找來一班男藝員為此作預告，又謂今次全球招募將會維持約4星期，也會到海外尋找參賽者。
提到近年港姐被指質素下降，問到會否更嚴格？志偉說：「因為疫情好多都係來自香港，而家開關都希望報名人數多，畀我哋選擇多咗，可能質素都會高。」他又透露佳麗會分批到荷蘭或中東等地區拍外景。
簽證成不可抗力原因
對於早前LOONG 9首個香港見面會活動因不可抗力的原因取消，上海活動香港成員又冇影，志偉解釋冼靖峰因為要宣傳：「上一次嘅教訓我哋覺得下一次再搞個大型啲，同埋我而家都構思緊香港可唔可以再搞多一隊。」至於上次不可抗力的原因是甚麼？志偉說：「簽唔到證，佢哋初初以為旅遊就嚟得。」而樂易玲被問到現任港姐卸任後的去向時，她指3人也簽了藝員約，不認為她們會放棄事業。
丁子朗稱事業為重
另外，丁子朗、朱敏瀚被指是「曾經的選美機制受益人」，不過丁子朗就表示答應了高層，現時以事業為重，不會亂搞男女關係。提到香港先生有機會再復辦，他說：「係就好，因為我呢個亞軍當選7、8年都冇卸任。（當年冠軍黎振燁想復出？）私下冇聯絡，但我祝福佢。」至於LOONG 9早前突然宣布取消見面會，身為LOONG 9成員的黃奕斌坦言失望。