黎芷珊令嘉賓又喊又笑

黎芷珊相隔3年再開新節目《芷珊約您》，她昨宣傳節目談到今次籌備一年，走訪七地拍攝，親自邀多位歌手受訪，但坦言也有被拒，「因為要跟住拍，都有人怕被跟，學友話後生時試過被人跟，結果瀨晒嘢。」提到節目中許志安真情剖白「安心事件」感受，芷珊表示本身與他相熟，「睇到佢轉變，可能佢當朋友咁同我傾返件事，（有冇交代始末？）始末唔重要，最重要佢之後點做。」
芷珊指嘉賓陳慧琳及楊千嬅也毫無保留講內心感受，拍攝時嘉賓又喊又笑，她最深刻王嘉爾靚仔之餘是出色年輕人。如何報答嘉賓？芷珊笑言一定會砌靚條片出街，播出前也不需經嘉賓審核，因大家都相信她。