Jeremy提議結婚 姜濤即拖Stanley手仔

MIRROR主演的電影《12怪盜》日前上映，12子昨日兵分三路繼續到戲院謝票，姜濤、Jeremy(李駿傑）及Stanley（邱士縉）先到圓方戲院跟觀眾見面。期間有粉絲問到姜濤與Stanley再一起拍戲想演甚麼角色時，Jeremy提議兩人結婚，姜濤即主動拖着Stanley的手，場面搞笑。

提到最難忘的事情，Stanley指首映看彩蛋時第1次看姜濤冰桶轉的一幕，他最初以為是CG的效果，誰知道是有人在轉，而姜濤聽後即說：「本身諗住講呢個畀你講咗，我嗰part嚟。」之後他提到電單車一幕：「以為真係要揸電單車，點知原來有替身。」豈料被Stanley取笑指如他揸的話「車主仲驚！」至於Jeremy則表示滅蚊大悲咒最難忘，因為很難記，最後NG了3、4次。
當姜濤與Stanley被問到再一起拍戲想演甚麼角色？Jeremy即提議兩人結婚，更笑指自己可做證婚人，而姜濤隨即拖着Stanley的手，Stanley顯得非常無奈，不過他指如果可以的話，他會做姜濤：「想知道人生擁有咁多有咩感覺，佢名利雙收，我就得名無利。」姜濤則指想做Stanley，因想每朝起身見到對方的身材。
Edan：搞粉絲運動會
到九龍灣一站，成員盧瀚霆（Anson Lo）、Tiger（邱傲然）及柳應延（Jer）齊齊現身，現場有大批「神徒」舉牌支持。Jer指這是第1套，希望之後有第2、第3套，也希望可越做越好，甚至可以去歐洲拍攝，像湯告魯斯般拍「特攻電影」，他更提議Anson Lo下次跳巴士，Anson Lo則笑言不知自己變成動作演員，他多謝大家支持《12怪盜》：「因為這絕對是MIRROR成員的里程碑，也是公司很重要的project，所以有大家支持很重要。希望除咗支持我哋之餘，睇完呢套戲有一個輕鬆嘅氛圍帶返屋企，可以暫時忘記生活上的小煩憂。」
至於在戲內懂讀唇的Tiger，就指拍攝時隻眼好重要，因要望到敵人的嘴唇，所以平常望多一點遠的事物，這樣對讀唇有幫助。而要不斷變裝的Jer就叫Anson Lo帶他的冬菇頭假髮，想看他會是怎樣？Anson Lo則笑指之前的電影已試過，而他表示今次要練身手：「學的時候係最大嘅挑戰，就好似人哋話做住學，因為大部份場口拍的時候才學，今次考驗自己記動作就好似記排舞一樣，所有嘢都係考記憶力，捱過咁複雜嘅拍攝，辛苦武指。」
至於旺角站，則有江𤒹生（AK）、呂爵安（Edan）及王智德(Alton)現身，Edan叫大家留意他們好有型的出場，以及最後一場戲，因動作好有型，Alton則笑說：「睇打鬥除咗睇正中焦點之外，其實旁邊都好好睇，我哋自己睇咗幾次都睇到有啲得意位，可以睇吓我打打吓點解會冇咗件風褸。」至於若票房好，想跟fans做甚麼？Edan指可以搞一個「MIRROR粉絲運動會」，由粉絲參與，他們在旁幫手打氣。