被批教壞隊友 Edan：唔好乜都關我事 Jer認網上撩女仔：下次會小心啲

MIRROR成員柳應廷（Jer）近日被網民爆在社交網公然溝女，網民認為是曾斷正睇AV女優素海霖的呂爵安（Edan）教壞Jer。兩人今晚由英國返港，成為追訪焦點，Jer坦承此事更揚言「下次小心」，Edan則否認教壞隊友：「唔好乜都關我事。」
結束英國巡唱後，MIRROR成員陸續返港，「教主」盧瀚霆（Anson Lo）先在昨晨落機，晚上則有正副隊長Lokman和AK、姜濤、Alton、Edan，以及被爆上網溝女的Jer，有過百姜糖（粉絲暱稱）和數十爵屎（粉絲暱稱）接機，機場出動十多名保安戒備。
Lokman：唔教都壞
被爆上網溝女的Jer和被指教壞隊友的Edan，在經理人花姐護駕壓軸現身。Edan否認教壞隊友：「咩係我教壞呀？平時係你哋（傳媒）教壞我。」到底Jer有否上網溝女，他被追訪時坦承：「下次會小心啲，真係……小事。（夠膽下次再玩？）唔敢亂講嘢，多謝晒。」Jer隨即上車走。再問到Edan點睇Jer上網溝女，他重申：「一單還一單，唔好乜都關我事。（你點睇？）好似倫敦同曼城，無眼睇。」
Lokman對於英國巡唱被指「大縮水」，他認為各地可能有不同安排。問到Edan教壞Jer的說法，Lokman笑言不關事，「我哋一向唔教都壞，有機會再講畀大家知有幾壞。」然後表示趕住走就匆匆上車。一人5件行李的姜濤獨自上一部車，被問到Jer被爆溝女，姜濤尷尬笑稱沒留意，又指最後一日上飛機才知。
帶同家人到英國的AK談到陪家人去郊遊和睇波，家人已早一步返港。約英國朋友食印度餐後肚瀉的Alton透露已沒事。
神徒天未光等接機
在英國轉飛巴黎的Anson Lo昨晨返抵香港，清晨天未光已有半百神徒（粉絲暱稱）冒雨在機場等候，教主的助手與機場工作人員於早上7時許先推3個行李箱出來，未幾，戴漁夫帽、口罩，穿黑色衛衣及白褲的Anson Lo由機場人員陪同出來，隨即向在場神徒和記者打招呼，神徙們興奮大叫「盧瀚霆！」
對於在英國開騷，Anson Lo覺得第一場海外演唱會既開心又興奮，並透露今次去巴黎是拍MV及其他拍攝工作，MV拍了30多個小時，他亦趁空檔行街購物。問他給自己在巡唱表現幾多分？他想一想說：「65，我記得隊長畀60分，我覺得可以多5分，畀我哋想像中順利，見到未見過嘅fans，大家都好熱情，我諗係嗰個開心令我哋更高興。」問到在去程吃6個飛機餐，返港時吃了多少？他笑言沒去程那麼多，因已很累，在機上睡覺，只想回家梳洗休息，他並向在場神徒揮手及派心心才上車離開。