George@P1X3L首闖影圈演強姦犯 獲秋生教路搣甩框架

香港電影工作者總會推出的首季「總會拍電影」計劃，當中的第二部獲選作品《不赦之罪》日前開鏡。監製廖婉虹、導演林善、導演暨編劇譚善揚、黃秋生、蘇玉華、歐鎮灝（George@P1X3L）、陳紫萱及陳書昕3位主要演員都有出席開鏡儀式。電影故事圍繞三位人物發展，包括由秋生飾演的牧師、蘇玉華飾演的受害者母親，以及由George所演的少年強姦犯，幾位演員都讚賞劇本出色。
首登大銀幕的George，面對前輩當然緊張：「我呢半年係有睇好多唔同嘅電影，吸收點樣做，諗住實踐嘅時候就發覺，咦，唔係噃，因為秋生哥有嘗試去幫我搣甩自己演出嘅框架，令到我每一晚返去，都諗返演出嘅每一場戲，個人好似對做戲通透咗。」