MIRROR 16場騷圓滿落幕 Ian尾場唱到喊 Stanley騷肌引姜濤胸襲

MIRROR一連16場的《MIRROR FEEL THE PASSION CONCERT TOUR 2024》前晚（3日）在亞博Arena圓滿落幕，操得6嚿腹肌完美身材的邱士縉（Stanley），在尾場繼續除衫騷肌派福利，更望着大螢幕上亡母的舊照、邊哭邊唱《來不及》；而當全員合唱時，多位成員亦都感動落淚。
MIRROR當晚的尾場演出吸引到梁詠琪（GiGi）、房屋署署長羅淑佩、宣萱等入場欣賞，古天樂則在開騷後才入場，逗留25分鐘便離開。邱士縉（Stanley）與李駿傑（Jeremy）合唱《Fever》大騷肌肉，期間舞蹈員為他除下西裝褸，引來全場尖叫；AK出場唱《Blue Money》時，與12位女舞蹈員大玩親暱互動，他更為一位女舞蹈員抹汗並輕撫臉龐，又除去外套只穿着網衫透點，相當吸睛，AK說：「今晚尾場好想多謝12個女仔陪我過16晚，最後一場我想曳啲！」而當12子合體唱《We All Are》時，陳卓賢（Ian）、王智德（Alton）、Jeremy都不約而同感動流淚。
Encorn時，12子再度現身，隊長楊樂文（Lokman）表示完成香港演唱會後會重新出發，到世界各地開騷，讓大家見識MIRROR同Miro（粉絲昵稱）的力量。最後12子唱出《We Are》為個唱劃上圓滿句號，不過粉絲仍不願離開，於是12子再度出場獻唱《Boss》，粉絲們才捨得離場。
開始為世界巡唱準備
完場後全員受訪，Lokman表示前幾日已感覺不捨得，未想過16場演出這麼快完結，之後會為巡唱準備，並會調整演唱會流程，稍後會練習兼放農曆年假。對於多位成員都感動落淚，Ian解釋是見到現場粉絲所寫的字句兼有眼神交流，適逢睇到有人寫住要「相信自己」都會令他好感觸。提到盧瀚霆（Anson Lo）、呂爵安（Edan）及Jeremy大跳Kpop「女團」舞，令粉絲很受落，更提議三人出歌再出道，Edan笑說：「首先我同佢哋係兩個世界嘅人，我跳開第二種舞嘅！」至於完騷後可會吃餐好，一眾成員搞笑叫爆肌的Stanley作答，他笑言有點矛盾，皆因出埠巡唱好想保持身形，又解釋演出時除衫是經理人花姐要求，在旁的花姐聞言即說：「我叫佢唔好，佢係都要除呀！」而當Stanley回應期間，身旁的姜濤都忍不住不停摸對方胸肌，非常搞笑。被問是否滿意16場騷的表現，Lokman直言盡力做好每件事及細節，每日綵排都集中去改善，保持學習態度，亦給予今次表演70分，仍有進步空間。