陳茵媺爆孻女 激讚周嘉洛有魅力

陳茵媺、周嘉洛、徐榮、羅毓儀及古佩玲等昨日到將軍澳宣傳新劇《羅密歐與祝英台》。陳茵媺指孻女Camilla看劇後大讚嘉洛靚仔有魅力，但幸好未有要求見真身，至於被讚靚仔的嘉洛則含羞答答地讚對方人品好。
陳茵媺（Aimee）受訪時大讚周嘉洛靚仔，而嘉洛則指Aimee很有型。Aimee早前帶三個仔女到深圳探老公陳豪班，一家五口更一起在酒店房看劇集首播，Aimee表示現在每天都會趕回家看劇，又指首次看爸爸媽媽演出的女兒Camilla有點混淆：「佢會問點解要射爸爸，我哋要同佢解釋，佢又覺得媽咪好Cool，爸爸好Funny，見到周嘉洛同游嘉欣錫又會問係咪真㗎？我就答佢有時都要借鏡。（你之後同陳豪啲親熱戲會唔會唔俾佢睇？）唔會，佢都見慣，OK嘅。」
角色太惡 嚇親囡囡
Aimee又指大仔看完後有叫她教轉槍，而女兒則叫她在家裏不要太惡，不要像電視般對待她，又爆女兒看完劇覺得嘉洛好靚仔、好有魅力，問到女兒是否有要求見真身？她說：「又未去到咁樣，如果係咁就弊喇！」嘉洛聽後笑言：「咁細個人品就咁好。」至於在劇中對游嘉欣一見鍾情的嘉洛，笑言現在已咀了幾次，但現實生活中未試過一見鍾情，問可有人對他一見鍾情？嘉洛說：「以我所知冇，佢哋都係俾我內在吸引。」
同場的鄺潔楹和徐文浩劇中演情侶，兩人身高相差32cm，鄺潔楹笑言可像韓劇般賣「最萌身高差」；至於早前流出在的士中與女子親暱片段的徐文浩，有傳因此事被雪藏，他指事後公司都有向他了解：「但之後冇嘢。（同個女仔有聯絡？）冇聯絡，𠵱家直情戒咗酒，淨係飲水，酒吧都少去。（怕咗同女仔單獨坐車？）最緊要行為做好，咁去邊都唔使驚 。」