黃宗澤怕混亂出意外 被誤解不友善

英皇電影《紮職2》前晚舉行首映禮，眾演員黃宗澤（Bosco）、張繼聰、陳家樂、衛詩雅及黃德斌等出席，英皇集團主席楊受成博士與太太陸小曼到場支持。早前黃宗澤出席內地活動被粉絲投訴不友善，他前晚解釋因曾發生過有人在扶手電梯跌倒，見當時情況混亂便不敢近距離接觸粉絲。
黃宗澤對於在內地出席活動被粉絲投訴態度不友善，他解釋當時商場幾層樓逼滿人，見到情況開始混亂，遂不敢跟粉絲近距離接觸以免引起混亂，因為試過有人在扶手電梯上跌倒。他說：「啲人向前衝，個責任就喺我身上，有啲人理解，亦有人唔明，不過講我唔友善無所謂，我又唔痛！大家都知我為人點？都係為大家着想。」
陳家樂新作獲家人支持
謝安琪前晚亦有捧老公張繼聰場，早前她宣傳新歌時重提老公曾患抑鬱想輕生甚至寫了遺書，阿聰前晚表示已講過多次，認為人生會遇到好多問題，一定會有情緒，更建議應睇場好戲同聽好歌、吃好東西，又乘機宣傳《紮職2》及陳家樂的新戲，又力谷太太的新歌，更叫人幫襯黃宗澤的餐廳。
對於票房信心，阿聰表示拍攝時好盡力，好欣賞新導演，讚該片有古惑仔感覺亦與時並進。陳家樂謂以家人取戲飛的數量作為信心指標，爸爸向他取十張戲飛，太太連詩雅則取兩張跟朋友捧場。黃宗澤聞言即謂羨慕家樂，因中秋節都未見過媽媽，因媽媽飛到越南旅行，他揚言落力謝票，若有粉絲要求合照會有求必應。
衛詩雅拍完床戲唔敢睇
衛詩雅在戲中演孕婦，她最近重遇戲中BB，原來BB已兩歲，她感覺時光飛逝，亦感覺自己成熟變靚，但透露日前由台灣返港，發現被經理人傳染甲型流感，感覺辛苦過患新冠肺炎。提到參演Viu TV新劇《Food Buddies》獲網民讚激情戲表情到位，衛詩雅表示播放時遮眼不敢睇，似睇鬼片一樣驚，「我唔鍾意拍親密戲，尺度比我想像中大，第一次見導演話有床戲，我話唔想拍，佢話電視尺度大得去邊！去到現場覺得尺度大但都拍咗先，可能拍完會剪。不過最緊要拍出嚟靚，好開心多人讚。」她指導演與拍檔柯煒林有照顧她感受所以拍得安心。