軒仔親自調教新人 難招架突然被「告白」

入行逾20年的張敬軒（軒仔）正籌辦演藝學校培育新人，更將以師兄身份偕同英皇新人黎展峯（Andy）赴澳洲開巡迴演唱會，還要Andy由幕後做起，幫他掛燈、掛衫，Andy突然爆出一句：「掛住你囉或者。」嚇到軒公措手不及，笑指現今新人真叻，自己入行多年也說不出口。
文化藝術大使張敬軒、莫文蔚、楊千嬅、陳寶珠與兒子楊天經和新抱吳文珊、梅雪詩、領賢慈善基金（FIF）創辦人王幼倫等前晚出席於四季酒店舉行的《紙藝詩翩：歌頌香港工藝傳承》慈善晚宴。軒仔表示今年中秋節會是人生第一次在當晚相約朋友打機，最近玩足球遊戲，閒時都有落場踢波，但未找到踢甚麼位置，暫時先做啦啦隊。提議他組英皇足球隊，軒仔笑言怕不夠人，並說可以組男女混合隊，讚衛詩雅踢得，再找霍汶希（Mani）做領隊。此外，軒仔11月將到澳洲開巡迴演唱會，會帶同英皇新人黎展峯（Andy）一起去，他說：「我都好堅持要佢哋由幕後做起，佢咁高可以幫我掛燈、掛衫。」此時Andy就突然爆出一句：「掛住你囉或者。」嚇到軒公措手不及，並說：「𠵱家啲新人真係叻，我入咗行20幾年都講唔出口！」軒公又表示教導Andy外，亦跟對方交流日常，學習一下新一代的玩意，笑言否則驚自己癡呆。
千嬅讚仔仔企理過自己
楊千嬅身形fit了不少，她表示因舉行巡迴演唱會關係，並籌備新的廣東歌，又指11歲的兒子Torres剛升中一，功課多了很多，但會自己安排：「我好安慰，佢比細個嘅時候定性啲，會規劃好自己嘅schedule，佢企理過我，似Daddy。」千嬅希望兒子暫時嘗試留在上海讀書，看看是否適合。問到Torres有否女友，千嬅即說：「有都唔講，唔好話係女朋友，就算係朋友你都唔會第一時間話俾你阿媽知。（有冇話唔俾佢拍拖？）我諗佢未跳到嗰個階段。」
莫文蔚（Karen）身穿性感黑色透視裙現身，透露將推出三國語言的新歌。今年是Karen入行30年，她興奮表示將舉行小型展覽，展出一些個人物品，其中有20多年前影的限量版寫真集，很多人未看過那些相片，會以科技新手法呈現以前作品。