傳MIRROR缺席頒獎禮 AK：仍有待商討

MIRROR副隊長江𤒹生（AK）主演驚慄片《七月返歸》前晚舉行亞洲首映，他坦言有票房壓力，問到會否叫粉絲如隊友Anson Lo的粉絲包場？AK笑指粉絲話驚睇鬼片，他就教粉絲約想追求的心儀對象去睇。
問到MIRROR是否不出席音樂頒獎禮，AK指沒正式通知：「點會問Frankie？問個膊頭有花嘅嘛！（所以現在問你囉！）我哋當然好想出席，始終係樂壇盛事，但公司確定了那段時間綵排演唱會，仲安排緊行程，我哋全部都想出席，唔理得獎與否，每年我哋都係趁呢個機會同其他歌手聚會。公司都會爭取，但真係要度排練日子，所以要等公司安排。」