岑麗香親子瑜伽 囝囝變樹熊

（星島日報報道）岑麗香日前首次跟4歲半的大仔參與親子瑜伽班，她備受考驗，因囝囝剛由加拿大探親回港，未適應時差，全程十足小樹熊般黐實媽媽，可愛度爆燈，香香一臉慈母表示：「其實我冇期待，因為佢咁細個，目標唔係要做到完美動作，反而想佢可以同我做吓運動、開開眼界，畢竟我哋剛由加拿大探親返港，佢仍有少少時差，今朝凌晨4點已起身，之後只瞓咗半個鐘晏覺，所以佢表現算非常叻叻！」
香香認為跟小朋友一起做運動，最重要保持耐性，過程令小朋友學聆聽、見識新事物及發掘喜好，香香指囝囝跟爸爸同屬運動型，與囝囝一起做得最多的運動是「騎馬仔」，笑指自己扮馬。