江美儀認與TVB傾緊新約

（星島日報報道）江美儀、吳業坤（坤哥）、譚嘉儀、曾比特及《中年好聲音》一班歌手周吉佩、龍婷等，昨日齊出席《明愛暖萬心》記者會。傳江美儀非TVB「親生」而被投閒置散，她解釋原本9月開新劇但延期，TVB亦有邀簽做「親生女」，會再傾談。
江美儀憑劇集《下流上車族》中的「車太」一角榮升視后，但有傳她並非TVB「親生女」而被投閒置散，她昨日解釋有劇集原本九月開工，但要延期至年尾，本身跟TVB合約是一年一劇，「我自己有跟佛教團體合作拍片，近排多咗廣告拍。我跟TVB合約係一年一部，到2025、2026年先完，未使轉。（邀你簽做「親生女」？）有叫，再傾吓，唔可以唔理經理人。」（豬籠入水？）有啲使費囉！」
坤哥批准太太拍戲
同場的坤哥去年與日本藝人濱口愛子拉埋天窗，他表示早前收養了一隻松鼠狗女「白湯」，因太太來港後少出街，加上一直想養狗，所以趁機會去領養狗：「𠵱家體驗三人家庭，好似有個小朋友咁，養貓就自由啲，但養狗要帶牠散步、去教牠。」坤哥笑言自從家中有「白湯」後，太太沒有呻悶，就算無他也不覺寂寞，太太亦適應了香港生活，會獨自搭巴士，又指太太在日本時從事賽馬主播，都想在港從事這類工作：「兩夫婦承擔家庭負擔係好需要，太太都想拍戲，之前佢幫做MV女主角，全世界都話佢演得好過我，希望兩公婆事業都有好嘅發展。」至於可會批准太太性感演出？他笑言太太不喜歡性感，若然拍錫戲要加酬勞，因為跟太太也未拍過錫戲。
至於譚嘉儀早前遊日本見證Gordon向懷孕女友陳樂榣求婚，旅程還遇上偶像羅志祥，她趁機自我介紹，上載合照更獲小豬畀Like；曾比特演出《灣區升明月》晚會被網民質疑咪嘴，他則強調是真唱。