周吉佩籲參賽者 打定輸數

（星島日報報道）《中年好聲音2》早前進行「海選面試」，身為上一屆冠軍的周吉佩，表示有留意許志安的八哥許志偉，更大讚鄭梓浩好有型又man，還建議參加者應以輸的心情去參與。
《中年好聲音》的一眾歌手周吉佩、李佳、羅啟豪、吳大強及龍婷等，以及擔任嘉賓的呂珊和蘇韻姿，前晚於東區文化廣場為節目《大笪地唱不停》錄影。對於節目《中年好聲音2》早前進行「海選面試」，當中有不少藝人及家屬參加，周吉佩笑言覺得唱《女殺手》的參加者表現突出，亦有留意許志安的八哥許志偉，更大讚鄭梓浩好有型又man；龍婷透露得知Busking友人今次都有參加報名，但未知能否入圍。至於可有建議給參加者？周吉佩覺得要以輸的心情去玩，同時揀對手也很重要，他說：「當時我揀錯咗龍婷做對手，就輸咗！一定要知己知彼，睇多啲對手排練。」龍婷則認為揀選的歌曲要令觀眾有共鳴，亦要熟練歌曲。
蘇韻姿等公司「解凍」
此外，有指蘇韻姿因經常遲到兼演技差，因而被無綫雪藏又調離《愛‧回家之開心速遞》，蘇韻姿繼早前參與綜藝節目《不可能任務》後，今次再度現身參與《大笪地唱不停》錄影，被問是否成功「解凍」？蘇韻姿指一直等公司安排，但暫時未收到重返《愛‧回家之開心速遞》的消息，不過大賣關子指稍後會有跳出電視的工作，她說：「我喺《愛‧回家之開心速遞》成長，大家好錫我，好似一家人，但我會好正面對待每個工作機會，無論咩工作類型都好，都會學到嘢！」