江若琳抱B仔齊嘟嘴 賣萌勁可愛

（星島日報報道）早前在社交網公開BB性別的江若琳(Elanne)，原來已為老公蕭唯展誕下愛兒。Elanne老公昨日在社交網大晒兒子的照片，只見初為人母的Elanne齊齊跟BB嘟嘴賣萌，認真
可愛。
江若琳（Elanne）和蕭唯展(Oscar)去年聖誕前夕宣布初次懷孕喜訊，昨日二人齊齊在社交網晒一家三口合照再報喜，原來她已於日前（7日）提早兩天順利「卸貨」，為老公誕下5.8磅重「男朋友仔」Owen！
過程少少驚險
正式榮升媽媽的Elanne，在社交網上載第一張「我們仨」合照，指囝囝「BB包」終於見面，坦言等了囝囝好久，比她預期早了兩日出世，笑言本來已訂位打算食餐好之後才施施然生B，但也不緊要，指囝囝的人生以後都如此由他自己決定，「我知道呢個係你的選擇，我會永遠支持你尊重你，爸爸媽媽會成為你生命中最強大的後盾，你突然間要發動，一切嚟得好快！雖然過程中有少少驚險，但當下我只係知道我要拼盡所有力氣去保護你，將你平安帶到嚟呢個世界，我哋合力完成啦 give me five 感謝你健健康康，平平安安！」她更想給老公最大掌聲，「最初見佢慌慌張張，以為佢流流地，點知到生產整個過程佢一直畀好大的支持我，係我耳邊打氣同我講 ：咩都唔好擔心，加油push!!!然後佢克服晒佢最驚的事，我哋成功啦！」她並感謝囝囝來到世界，令她人生變得完整、美好。
最好的留給妻兒
至於新手爸爸Oscar，在社交網分享一家三口和多張BB得意相，更捕捉到BB和媽媽一齊嘟起嘴仔對望的一刻，Oscar發文：「2023年6月7日，我陪老婆步入產房，看到甚麼是10級痛楚，看到你痛到頭也要爆開了，我分擔不到你的痛，雖然陪着你，但幫不到甚麼，只能按着你頸後說加油，很勇敢，很偉大，很有愛的媽媽，辛苦老婆」，他更揚言以後最好的都留給太太和BB，最差的都留給自己來撐，叫BB要孝順媽媽。