王菀之開騷邊飲邊唱

（星島日報報道）王菀之（Ivana）前晚於西九舉行一連6場「粉紅畫布藝術展音樂會」，首次拿着手工啤台上邊唱邊飲，令現場氣氛又Chill又歡樂。Ivana演出時除了叫歌迷坐地上外，又會叫他們合上眼「睇」騷，「其實我係希望大家好放鬆狀態咁去欣賞，好少有音樂會可以聽到這個咁正音響。」而昨晚第一套演出服裝，上面畫滿肥波兔及花花的白裙，更是Ivana親手畫上去，單是畫這條裙就畫了兩個鐘。
對於今次與觀眾幾乎是零距離獻唱，一向對陌生人怕醜的Ivana表示演出令她想起初出道之前，周圍去分享自己音樂，其時跟觀眾距離都係好近，那種「親密」感覺好好。