合演舞台劇讚林海峰又精又正 黃子華：有今生無來世

（星島日報報道）黃子華和林海峰（Jan）合演49場的舞台劇《愛我別走》，前晚（23日）圓滿落幕，兩人連同編劇、導演、監製等幕後團隊謝幕，全場觀眾報以熱烈掌聲，Jan更借觀眾聲音向台前幕後一起大喊：「你哋係咪人嚟㗎？！」來答謝團隊的付出。子華則笑言：「有今生無來世，係得今次機會嗌回水咋！」
林海峰感恩編劇莊梅岩給他今次演出的機會，並指由上次舞台劇《短暫的婚姻2022》至今感覺似未停過，他續指早前獲香港電影金像獎提名「最佳男配角」，結果輸給許冠文是「序有應得」，並表示 ：「但起碼叫做行過吓紅地氈，喺度預祝黃子華先生『下年到你喇！』。比起參加金像獎，對我嚟講更加重要嘅事情，就係能夠參與今次黃子華舞台劇嘅演出，我覺得我已經得到最佳男配角嘅名銜，多謝黃子華！」 
同台奮鬥三個月
子華談到當年與Jan在商台早已認識，「當年軟硬天師大紅大紫時，我就喺離佢6呎位嘅商業一台做緊嘢。」Jan即說：「之後就一路沉落去喇。」子華笑指：「各有浮沉啦，人生就係咁。坦白講，點會諗到好多年後會有機會可以同林海峰先生一齊同台，一齊奮鬥三個月。人生好多奇妙事情係可以發生，係想像唔到，更加奇妙唔係話有機會合作，而係阿Jan人如其名『好精』又『好正』，我都歎咗佢兩三個月，真係非常之開心。」最後全場大合唱一句「各位觀眾晚安」，為《愛我別走》舞台劇畫上圓滿句號。
Jan昨天起放大假，他和黃子華分別在社交網發文談及完成舞台劇的感受；《愛我別走》舞台劇官方專頁亦貼出台前幕後大合照。