曾志偉生日 獲女藝員車輪咀

（星島日報報道）曾志偉於今天（14日）迎接70歲大壽，身為TVB總經理，日前已獲台前幕後同事大搞驚喜生日派對，包括樂易玲、薛家燕、肥媽、高海寧、劉佩玥、馮盈盈、黎諾懿、洪永城、江嘉敏、吳若希、鄭俊弘及宋婉穎等，猶如台慶般墟冚熱鬧，壽星公更獲多位女藝人爭先獻吻，場面搞笑。
席間，家燕姐特別準備了一個大型壽桃蛋糕，眾人齊齊合唱生日歌，志偉表示生日願望是：「希望大家都身體健康，賺多啲！」其後，志偉更獲多位女同事輪流獻吻祝賀，先有家燕姐與肥媽，之後又有多位女藝人包括林秀怡、吳嘉儀、吳幸美及朱凱婷等，壽星公被瘋狂咀面即笑言：「唉，嗰啲人妻又有，人媽又有，唉。」更開心表示：「呢晚大家盡興之後一定醜態百出呀。」