姜濤讚賞張國榮最Charm

（星島日報報道）環球唱片推出《REMEMBERING Leslie》企劃向一代巨星Leslie張國榮致敬，其中找來姜濤重新演繹哥哥經典金曲《追》。姜濤直言今次重新演繹唱得很舒服：「自己屬於中音音域，佢呢隻歌都係中音區，令我唱得好舒服。當然要聽回哥哥原版演繹，到重新編排過嘅時候，一定要有自己風格、唱法加落去，唔想畀人覺得係模仿，因為哥哥係模仿唔到。」
姜濤亦非常欣賞哥哥風趣幽默的性格：「好多人都有睇過哥哥《今夜不設防》嘅訪問，佢重新定義咗咩係Charm，唔會淨係鏡頭前一張相，而係談吐與氣質。現時啲節目唔會畀你食住煙去傾偈，但佢可以好Chill，嗰個年代嘅Artist嘅人格魅力係更加突出，哥哥係再突出嘅一位。」