陳貝兒獲獎有感：用出世心做入世事

（星島日報報道）陳貝兒憑《無窮之路II－無價之保》前晚冧莊TVB《萬千星輝頒獎典禮2022》「最佳女主持」獎，她在社交網表示今年心情比去年更感動：「多謝！今年再攞『最佳女主持』，心情比去年更加感動，因為可以親身上台向大家致謝！舊年2022年係好難忘嘅一年，舊年我離開屋企全年無休，去咗唔同嘅地方同唔同嘅單位合作，認識到好多好勁嘅人。沿途我一直喺度學習，遇強愈強。我話畀自己聽我要用我嘅作品、我嘅表現去感謝大家畀我嘅每一個機會！我係香港嚟嘅，一個香港主持、一個港女，去到世界邊端都要省靚呢個招牌。多謝團隊！多謝公司！多謝你！用出世心做入世事，感恩。」網民紛紛留言讚她實至名歸。