滕麗名泰國買樓下站揀日本

（星島日報報道）滕麗名（阿滕）昨日到會展出席代言活動，她好滿意今次續約酬勞，而一向喜愛煮食的她，最開心平日會收到廣告商送的食材，但坦言吃得不多，老公經常叮囑她不要煮太多，又透露冬至煮的8餸1湯，實際上只有5個人食。問到是否考慮拍煮食節目？她說：「已經好多，或者遲啲可能開直播。」
對於近期防疫措施放寬，有沒有外遊打算？阿滕笑指沒想到開關能開得那麼暢通，故來不及請假：「啲朋友出晒國，得我Lonely Christmas！（老公呢？）老公好Busy，佢慣咗唔知我幾時開工，所以通常都唔會預我先，呢幾日聖誕節佢都冇預節目畀我，自己去咗玩。」不過阿滕就自爆早前曾飛泰國「收樓」：「疫情前買落，一路都未睇過，間屋漏水，但要做咗啲手續先至可以維修。」又指泰國是她首次在海外置業，下站可能會揀日本買樓。