軒公平安夜收爆笑「軒弓」

（星島日報報道）張敬軒的11場《REVISIT》演唱會正如火如荼舉行，在前晚（24日）平安夜，軒公一開場就拍晒心口，表示一定會令歌迷度過好愉快的平安夜。當晚有位搞鬼死忠男歌迷送了一把膠雞加上雞毛掃的弓，並命名為「軒弓」，弓上寫着「軒弓一發射全心」，搞到軒公笑問 ︰ 「人地一箭雙鵰，你一箭一鵰，你個隻雞⋯⋯仲冇晒毛，其實鵰同雞你識唔識分？我好想自己係觀音菩薩，有個葫蘆可以收咗你！」
之後軒公突然爆衫，趁工作人員處理時，他拉開外衣派福利，向觀眾展示他若隱若現的美腿，搞到歌迷咿嘩叫鬼。當晚軒公在Encore三次後，唱到12點50分才散場。