林敏驄：拎到民選視帝已開心

（星島日報報道）林敏驄和郭柏妍（Rosita）等人，昨日在將軍澳電視城為《歡樂滿東華2022》表演項目綵排，被視為《萬千星輝頒獎典禮2022》最佳男主角大熱門的林敏驄，被問到可會順道拉票時，貫徹其「九唔搭八」的作風，竟反問甚麼頒獎禮，更笑指高層曾志偉人間蒸發。
林敏驄和《下流上車族》劇中的大女郭柏妍（Rosita），以及文凱婷、何晉樂、鄧志堅、關曜儁一起綵排《歡樂滿東華2022》表演項目。Rosita表示將與「Daddy」林敏驄唱劇集歌，擔心會失禮對方，可惜「妹妹」羅毓儀因忙拍劇未能一齊參與表演。入圍《萬千星輝頒獎典禮2022》「最佳男主角」而被視為大熱的阿驄，被問到在電視城可會順道拉票？他說：「咩頒獎禮呀，無人通知我，坐低等嗌名？我都是睇報紙先知，我要知遊戲規則先，踢世界盃都要知有冇越位有冇得換人啦！我問細的答不到，大的又擰歪面。（問最大的曾志偉？）人間蒸發呀！」
未知會否出席頒獎禮
提到不少「視帝」候選人均視阿驄為勁敵，他笑說：「勁咩敵？我拎到民選視帝已好開心，觀眾睇到唔知邊場戲，就話直接頒個獎畀我，我都好開心啦！（通知你參加會不會到場？）隨傳隨到呀？到時先諗。」問阿驄最近會否多了人聯絡他傾工作？他表示忙出NFT及準備演唱會：「咪睇下（Rosita）唱得好不好，不過我演唱會賣飛㗎。（想在那個場地開騷？）等公布啦！」問入圍多個獎項的Rosita可會想拎獎？她表示想得「最佳劇集」，更問阿驄可會到場出席，阿驄聞言說：「你代我攞得啦！你攞飽去！」