蕭正楠開騷 游說翠如獻唱

（星島日報報道）蕭正楠、區永權及伍仲衡於明年1月舉行演唱會，昨日一同錄影《勁歌金曲》。阿蕭相隔20年再上《勁歌》，直指遺憾亡父未能見到他目前有事業和太太，又指1月開騷會游說黃翠如唱歌，笑言老婆唱歌是「必殺技」。
阿蕭笑言憶起初入行當歌手的辛苦：「自從2002年奪新人金獎後便沒再參加過《勁歌》，現時唱歌是享受，不會緊張。伍仲衡寫的新歌《小小大人物》是講爸爸，在我事業最低潮時爸爸走了，遺憾爸爸見不到我現時的事業同老婆。我入行都係受佢影響，爸爸係卡拉OK王，如果仲喺度，佢一定會參加《中年好聲音》。」阿蕭表示會積極游說黃翠如當演唱會嘉賓，笑言大家都知太太唱歌是「必殺技」。他表示演唱會預售門票已售罄，太太也有落力向親友推銷門票。
此外，阿蕭近日踢波跌倒弄傷手指尾，令致尾指斷韌帶和碎骨，但不打算做手術，約6星期才康復。他隨即爆區永權已報名在東華籌款表演「搶包山」，需要吊威吔，他笑言希望善長見他受傷，捐100萬元兼不用他搶包山。
菊梓喬講吳卓羲即身體發熱
同場錄影的菊梓喬（Hana）早前在美國登台，喜言玩10分鐘老虎機贏了300多美元。剛度過生日的她被問緋聞男友吳卓羲（Ron）有何表示？她避談：「都係講生日快樂，朋友親戚也有祝賀。（Ron有否送禮物？）冇。（你有否詐型？）唔好客氣。有朋友送遊戲機和咪高峰，我用得着。」談到她早前社交網的一張沙漠相，被猜測是北上密會Ron，Hana自稱往內地工作，但卻遇上封關，留在內地一個月都沒工作。當問到是否見不到Ron？她支吾以對，並突然以身體發熱為由繼續避談說：「好熱……唔識答，沙漠好熱，我有玩高卡車。（Ron也在當地拍攝？）唔知，好熱，甩妝啦。（與他一齊玩？）佢冇一齊去。（有沒有見他？）見咗好多人。」再追問下，她開始答非所問，更轉話題稱希望工作和各方面順利，因去年犯太歲不太順利，寄望稍後可順利往內地開音樂會及過聖誕。問到時再會見Ron？她說不會。