Ian讚舊愛Amy好女仔 Anson Lo為感觸落淚致歉

（星島日報報道）《第四屆KKBOX香港風雲榜》前晚假亞洲博覽館舉行，男團MIRROR為表演壓軸出場，是紅館演唱會嚴重事故後，首次再踏舞台演唱。奪得「十大風雲年度歌手」的MIRROR、盧瀚霆（Anson Lo）、呂爵安（Edan）、柳應廷（Jer）、陳卓賢 （Ian）、張天賦及林家謙均有出席，Dear Jane則因確診而缺席，Edan更同時奪得「年度新人」獎。
由於成員姜濤受傷，MIRROR當晚12缺1演出，但無損他們的表現，而首次獻唱新歌《We All Are》時，Anson Lo甫開口已難忍淚水不停喊至該曲完結，而Jer、Stanley（邱士縉）及Jeremy（李駿傑）亦相繼落淚，場面非常感人。騷後11子齊受訪，談到激動落淚，隊長Lokman說：「唱呢首歌的確係有啲感動，始終我哋都有段時間冇上咁大舞台，所以唱呢首歌嘅時候有少少激動。」Anson Lo則指歌曲令他聯想起好多事情：「呢首歌係答謝粉絲同埋支持嘅觀眾，呢幾個月都辛苦大家，係牽涉所有單位、所有人，所以一時忍唔住，我都好抱歉。」Jer指重回舞台感動又開心，如果有姜濤在就更圓滿。
Ian和Amy Lo近日結束兩年情，前晚Ian亦大方承認，稱會以朋友身分支持對方：「多謝大家關心，都唔想講太多，唯一想講嘅係Amy係個好好嘅女仔，希望大家畀空間佢，唔好畀咁大壓力佢。」至於會否可惜？Ian坦承都覺得可惜，因大家一起經歷了很多：「但大家商量過後，和平地、有共識作出這個決定。」至於日前有份參與MIRROR紅館演唱會的24位舞者再發公開信，Lokman指事件已進入法律程序，故不便回應太多。
Edan緊張手震幸有基仔陪伴
同場更有古巨基（基仔）和Edan合唱《飄流教室》，基仔形容事隔三年再受訪、恍如隔世，更透露因Edan透過經理人邀請他，而囝囝亦批准才現身，笑指囝囝好有音樂天分。提到Edan表現緊張，他直認自彈自唱《E先生連環不幸事件》時緊張到手震，幸有基仔在身旁，基仔也自爆剛演出時緊張到失準。此外，Anson Lo騷後在社交網分享後台自拍照，感謝大家到場支持：「最後一首歌忍不住淚水，真的真的感到十分抱歉，內心是百感交集，承諾下次再帶給大家一個更好的舞台，我愛你們每一
位。」