汪阿姐自爆耳鳴 考慮帶耳塞

（星島日報報道）汪明荃（阿姐）、林盛斌（Bob）等昨日為慈善演唱會綵排，阿姐乘機向主辦活動的林建煇醫生請教，指自己近來左耳有耳鳴問題，林醫生認為可能與她做大戲、聽得多鑼鼓聲有關，建議她練習時佩戴音樂耳塞保護耳朵，阿姐笑說：「咁啲人咪會以為我耳仔有問題？不過我都會考慮吓，我之前都睇過醫生，醫生話無事。」
另外，Bob日前在台慶演出短劇時狂飲5杯牛奶，落台即嘔，他表示身體無大礙，多謝大家關心，自認為娛樂觀眾而頂硬上，「都想話俾大家知，我表面上好似被蹧質，其實演員在拍攝時，有時為拍好一個鏡頭，要重複做同一件事很多次，非常專業。」阿姐亦很贊同，稱以前拍劇經常食隔夜餸，為拍好一個鏡頭要食很多次，又笑指加大碼牛奶一定是獎門人曾志偉的意思，她當晚看到時都想嘔。