翟司琳《Face Of Asia》掃2大獎 《Face Of Asia》掃2大獎 為港爭光

（星島日報報道）唐安麒愛將，早前勝出《亞洲模特盛典香港賽區》的C Lam.翟司琳，日前代表香港到韓國首爾參加國際模界年度盛事《Face Of Asia》模特兒選拔活動，結果在比賽中連奪兩項大獎，為港爭光。    
今年參加ACE Talent 演藝模特兒大賽並成為「Face of Hong Kong」得主的BrianBond（林灝邦）及C Lam.翟司琳，日前代表香港到韓國首爾參加國際模界年度盛事《Face Of Asia》模特兒選拔活動，狀態大勇的C Lam.憑着超水準表現，勇奪亞洲十大模特兒及美肌大獎殊榮，一人獨得兩大獎項，非常厲害。被邀請擔任嘉賓模特兒的童星孖妹鄭寶、鄭貝和張加妮，更在現場見證C Lam.得獎。
為戒口揀飲擇食
BrianBond及C Lam.連日來行程緊密，大會除安排保鏢貼身保護參賽者外，更經常安排韓國地道美食，C Lam.說：「出入都有保鏢護送，就算落雨，保鏢寧願自己淋雨，都要擔遮遮住我哋。每餐都係高熱量食物如炸雞、炒年糕、炸醬麵，我以為其他參賽者會食少啲，但係佢哋係好enjoy猛咁食，得我同BrianBond為戒口而『揀飲擇食』，我有時為享受地道美食，唯有早餐午餐食少啲或唔食，留返晚餐時放肆啲食。」
跟同房Model成好友
面對來自不同國家的參賽者，C Lam.說初時擔心自己不夠高，後來發現大家都會着「增高鞋」，參賽者們又好似不怕凍，經常穿背心短褲，好似是有天在議政府舉行的傳統服飾時裝展上行騷，她見到個別穿着傳統服飾的模特兒，雖然衣衫單薄，仍能在嚴寒下發揮專業表現：「佢哋嘅表現令我好佩服！而我一行上台，感受到燈光一打落嚟，音樂一響，好有能量嘅感覺，我真係好鍾意企喺台上面！」而令她覺得最難能可貴的，是在比賽中獲得不少友誼，能和來自不同國家的參賽者相處融洽，進行文化交流：「好快大家相處得好開心，有講有笑，好似我同來自越南嘅model同房，我哋好好傾，亦都了解多咗越南嘅文化。」