王丹妮堅持以親民價接Job

（星島日報報道）王丹妮前晚為「香港國際時尚匯展」行騷，已四年沒行騷的她，着上四吋高踭鞋登台仍然保持專業模特兒水準。丹妮受訪時指接拍電影《梅艷芳》後已沒有行騷，今次重回舞台覺得既開心又緊張：「始終幾年冇行，所以喺台上都有少少緊張。今晚感覺好微妙，我16歲行人生第一個時裝周就係喺呢個舞台，好多美好回憶湧上心頭，好感動！」
丹妮透露稍後將會離港兩星期，到米蘭及巴黎出席時裝周，更指正在澳洲讀脊醫的老公羅孝勇，將會在她離港期間返港照顧女兒。雖然丹妮現已成為金像獎最佳新人，但接Job的價錢仍很親民：「希望可以Job接Job，我絕對唔係天價人，同合作開嘅品牌唔會無啦啦加好多，大家合作咗10幾年，關係都似朋友。」