馬明：估唔到拍劇都有使命感

（星島日報報道）陳豪、馬國明（馬明）及胡定欣等前晚到銅鑼灣出席《白色強人II》慰勞宴，陳豪有信心會開拍第三輯，定欣笑言應改名叫「咖啡強人」，因劇中咖啡出鏡率更高。馬明指女友湯洛雯已返港並完成酒店隔離，他前晚出活動前才送女友回家進行居家隔離，談到唐詩詠離巢，他直言完全不知，但會支持她任何決定。
劇集監製羅永賢表示，患有「結節性硬化症」的病人因該劇而得到大眾注意，近日協會獲政府加快進度提供一站式醫療設施，令他感到很開心。馬明對今次劇集能間接令罕見病患者得到幫助，覺得很感動，相比收視或得獎更為開心：「拍劇目的係娛樂觀眾，如果今次真係為病人做到嘢係好開心，因為演員諗住拍劇能令觀眾鍾意睇就算，諗唔到呢套劇真係對社會有影響，真真正正幫到病人。」馬明表示若開拍第三輯也會樂意接拍，更笑言：「我以前唔夠努力讀書做唔到醫生，幫唔到病人，現時可以咁樣幫到病人，真係好有使命感。」
支持唐詩詠所有決定
馬明透露湯洛雯已由澳洲返港並完成酒店隔離，自爆出席活動前已送她返家進行居家隔離。問到會否為女友下廚？他笑說：「買嘢打邊爐囉，未決定，佢都係啱啱返屋企。（小別勝新婚？）幾日啫，佢掛住啲貓多啲。」對於有指唐詩詠月底離巢，馬明表示完全不知，一向不過問對方的合約：「我有聽過佢話想做舞台劇，但係咪離開TVB我就真係唔知。（佢有冇話自己攰？）早幾年已經講，入行初期已經話拍劇攰，可能女仔捱更抵夜會覺得辛苦。」馬明認為對方的去留是個人選擇：「無論佢做咩決定，《鐵馬》兄弟都會支持佢。」
第三輯叫「咖啡強人」
定欣非常不捨劇集大結局，陳豪則很高興劇集反應好、有迴響，沒白費努力。對於《白色II》間接幫助香港罕有病患病人，陳豪指難得劇集得到政府注意，幫助病人爭取。問到是否有機會拍第三輯？定欣笑說：「要問監製，要齊人唔容易。」陳豪則有信心會開拍：「本身醫生戲已唔多，難得開咗第一輯同第二輯，第三輯應該指日可待。」定欣笑指第三輯應叫「咖啡強人」，皆因咖啡在劇中出鏡率應該不比演員少，引得陳豪哈哈大笑。定欣又謂若真的再開劇，可提及其他病患，希望能幫助更多有需要的病人。提到劇集可挑戰《妙手仁心》，陳豪指兩劇題材不同，《白》劇內容較貼近現況及醫生會遇到的問題等，至於《妙》則是私生活較多。提到唐詩詠月底離巢，會否怕第三輯不齊人？陳豪笑說：「可能第三輯比今次再多人啲！」
近日疫情再度反彈，曾確診的定欣看到確診數字，指差不多時間要接種疫苗，提醒大家小心照顧好自己。一向小心的陳豪則謂個人防備是不能缺少：「最緊要喺經濟唔封鎖之下進行（防備），希望大家可以咬實牙關頂住，目前數字係高咗啲，希望慢慢回落，所有嘢回復正常。」陳豪又透露三個仔女上星期已開學，他表示感覺不錯，尤其細女升上一年班，希望她經過不斷學習能進步多點。